بخآطري كلمة ومعنى..

على كثرمالدنيا تروي ناظري بأقدارماتشيلها جبال ولا وديان ماعدت اصير إلا إنسان
لها من حياته قلبه وعقله ...
شفت من عجايبها مايهز الوجدان ...

خاطري أكتب على صفحة البحر قصة روح ارتمت على جسر الصبر والسلوان ...
اكتب من حبر عقلي إن ..

الدنيا حفنة تراب مايرضي طمع ابن آدم إلا هي ..
ولو عمل وسعى وعرف داخلة من خارجه ماهقيت إنه بضيع طريقه وطموحه...
الحياة على كل مافيها يبقى ذكر الله والسجود بآخر الليل ..
لذة مايعقبها لاحسرة ولاندم ...

سعادة الواحد فينا ماهي في اللي حولينا بقدر ماهي في قلوبنا وأرواحنا...
إنا إللي نكتب روايتنا مو غيرنا ...

الفطرة الطيبه ..
لو سمعنا صوتها بدواخلنا وأنصتنا لها ماكان للحزن والهم مكان بقلوبنا ...
بس للأقدار أسرار لايعلمها سوى الله..
ولو تأملنا على سفوح الزمن ..
لكتشفنا إن قوة أجسادنا كان مصدرها الاساسي هي تجاربنا وسقطاتنا السابقه..

ياسبحان الله...
اللي خلق هالكون وسوآه ... وجعل لكل واحد فينا كتاب يروي قصته فيها ...
وين البشر عن خالقهم ومسويهم ..
وينهم عن التأمل والتفكر بكونه الواسع وعظمته اللي اكتسحت كل صغير وكبير...

يا الله يارب..

تهديني أنا وقارىء هالعنوان جنة الدنيا والاخرة...